మణుగూరు: సింగరేణి మణుగూరు ఏరియాలో ఉత్తమ ఉద్యోగుల ఎంపిక

మణుగూరు, మహానది న్యూస్, డిసెంబర్ 22

సింగరేణి కాలరీస్ సంస్థ మణుగూరు ఏరియాలో విధులు నిర్వహిస్తూ అంకితభావంతో, క్రమశిక్షణతో, వృత్తి నైపుణ్యాన్ని ప్రదర్శిస్తున్న ఉద్యోగులను గుర్తించి ఉత్తములుగా ఎంపిక చేసింది.

పనిలో నిబద్ధత, బాధ్యతాయుత సేవలు, ఎలాంటి తప్పిదాలకు అవకాశం లేకుండా విధులు నిర్వహించిన ఉద్యోగులలో నుంచి ఉత్తమ అధికారులు, ఉత్తమ ఉద్యోగులుగా ఎంపిక చేయడం జరిగింది.

ఉత్తమ అధికారులుగా ఎంపికైన వారు:

కిషన్ రామ్ – సీనియర్ ఇంజినీర్ (గనుల విభాగం), మణుగూరు బహిరంగ గని

వేముల ప్రకాష్ – సీనియర్ అండర్ మేనేజర్, పీకే ఓపెన్ కాస్ట్

ఉత్తమ ఉద్యోగులుగా ఎంపికైన వారు:

కారి మహేష్ – ఫిట్టర్, కేపీయూజీ విభాగం

అవుల నాగరాజు – కన్వేయర్ నిర్వహణ సిబ్బంది, కేసీహెచ్‌పీ విభాగం

ఈ ఉద్యోగులను సింగరేణి దినోత్సవ వేడుకలు–2025 కార్యక్రమంలో భాగంగా డిసెంబర్ 23న మణుగూరు ఏరియా ప్రధాన కార్యాలయంలో ఘనంగా సన్మానించనున్నారు. ఈ కార్యక్రమంలో మణుగూరు ఏరియా ప్రధానాధికారి చేతుల మీదుగా సత్కారం జరగనుంది.

సింగరేణి సంస్థ అభివృద్ధిలో ఉద్యోగుల కృషి కీలకమని, భవిష్యత్తులో కూడా ఇదే విధమైన సేవాభావంతో ముందుకు సాగాలని సంస్థ యాజమాన్యం ఆకాంక్షించింది.