వాజేడు లో మావోయిస్టుల హత్యాతాండవం
నవంబర్ 22, మహానది న్యూస్,భద్రాద్రి కొత్తగూడెం ప్రతినిది : ములుగు జిల్లా వాజేడు మండలంలో మావోయిస్టులు ఆగ్రహంతో హత్యలు జరిపారు. పంచాయతీ కార్యదర్శి రమేష్, అతని సోదరుడు అర్జున్‌ను మావోయిస్టులు గొడ్డళ్లతో నరికి హతమార్చారు.ఈ దారుణ ఘటన వాజేడు పరిసర ప్రాంతాలను తీవ్ర ఉద్రిక్తతకు గురిచేసింది. మావోయిస్టుల చర్య వెనుక కారణాలు తెలియనప్పటికీ, ఇది ప్రజాప్రతినిధులు, స్థానిక అధికారులపై పెరిగిన మావోయిస్టుల వ్యతిరేకతకు నిదర్శనమని భావిస్తున్నారు. హత్యాస్థలానికి చేరుకున్న పోలీసులు ఘటనపై దర్యాప్తు చేపట్టారు. హత్య వెనుక మావోయిస్టుల ఉద్దేశాలు, ప్రేరేపణలను అన్వేషిస్తున్నారు. ప్రాంతంలో భద్రతా చర్యలను మరింత బలోపేతం చేయడం ద్వారా ప్రజల భయాందోళనలు నివారించేందుకు ప్రయత్నిస్తున్నారు. ఈ సంఘటన స్థానిక ప్రజలలో ఆందోళనను కలిగిస్తోంది. “మావోయిస్టుల ఉనికి మళ్లీ పెరుగుతుందా?” అన్న ఆందోళన వెలువడుతోంది.